Супрацоўнікі Баранавіцкага цэнтра стандартызацыі, метралогіі і сертыфікацыі актыўна прымаюць удзел у спартыўных мерапрыемствах, якія праводзяцца ў горадзе. Так сям'я інжынера аддзела метралогіі Вольгі Цісельскай удзельнічала ў традыцыйным праекце «Тата зала», які прайшоў 23 лістапада ў Ліцэі №1 у г.Баранавічы пад кіраўніцтвам прафесійнага фітнес-трэнера. Разнастайная трэніроўка ўключыла ў сябе сумесныя практыкаванні для бацькоў і іх дзяцей, якія яны змогуць з лёгкасцю выконваць і дома. Усе прысутныя сем'і з задавальненнем прымалі ўдзел у практыкаваннях, якія спрыяюць умацаванню здароўя і павышэнню фізічнай актыўнасці.